రత్లాంలో శ‌నివారం ఈ వీడియో చిత్రీక‌రించిన‌ట్టు స‌మాచారం. మీరంతా ఒక్క‌టిగా కూర్చుని మాట్లాడుకునేందుకు సిద్ధంగా లేరు..నేను ఇక్క‌డికి వ‌చ్చినా మీరు వేర్వేరుగా నిల‌బ‌డ్డారు..మ‌న‌కు రాబోయే 2023 అసెంబ్లీ ఎన్నిక‌లు చిట్ట‌చివ‌రివి..మీరు నిజాయితీగా ఎన్నిక‌ల్లో పోటీ ప‌డ‌క‌పోతే ఇంట్లోకూర్చునేందుకు సిద్ధంగా ఉండండి అని డిగ్గీరాజా కార్య‌క‌ర్త‌ల‌ను ఉద్దేశించి చెప్పుకొచ్చారు. క‌లిసిక‌ట్టుగా క‌ద‌ల‌క‌పోతే కాంగ్రెస్ పార్టీ అధికారంలోకి రాలేద‌ని. చివ‌రికి పార్టీకి కార్యకర్తలు కూడా దొర‌క‌ర‌ని హెచ్చ‌రించారు.
ఇక కాంగ్రెస్‌లో గ్రూపుల పోరున‌కు ఇదే నిద‌ర్శ‌న‌మ‌ని వైర‌ల్ వీడియోపై బీజేపీ వ్యాఖ్యానించింది. పార్టీలో గ్రూపుల‌పై దిగ్విజ‌య్ సింగ్ హెచ్చ‌రిక‌లు పీసీసీ చీఫ్‌గా క‌మ‌ల్‌నాధ్ ప‌దవికి ఎస‌రు పెట్టేందుకేన‌ని బీజేపీ కార్య‌ద‌ర్శి ర‌జ్‌నీష్ అగర్వాల్ అన్నారు. మ‌ధ్య‌ప్ర‌దేశ్‌లో కాంగ్రెస్ పార్టీకి నూక‌లు చెల్లాయ‌న్న విష‌యం దిగ్విజ‌య్ సింగ్ గుర్తెరిగార‌ని అన్నారు. క‌మ‌ల్‌నాధ్ నాయక‌త్వంలో పార్టీలో గ్రూపులు పెరిగాయ‌ని ఈ వీడియో ద్వారా దిగ్విజ‌య్ సింగ్ వెల్లడించార‌ని చెప్పారు.
