హైదరాబాద్‌ : ప్రధాని నరేంద్ర మోదీ హైదరాబాద్‌ చేరుకున్నారు. శంషాబాద్‌ విమానాశ్రయంలో ప్రధానికి.. రాష్ట్ర గవర్నర్‌ తమిళిసై, కేంద్ర మంత్రి కిషన్‌రెడ్డి, సీఎస్‌ సోమేశ్‌కుమార్‌ తదితరులు ఘనస్వాగతం పలికారు.అయితే ఈ పర్యటనకు సీఎం కేసీఆర్‌ దూరంగా ఉన్నారు. స్వల్ప అస్వస్థత కారణంగా ఆయన ఈ పర్యటనకు అందుబాటులో ఉండటం లేదు. జ్వరం తగ్గితే ముచ్చింతల్‌ కార్యక్రమానికి కేసీఆర్‌ హాజరయ్యే అవకాశం ఉన్నట్లు సమాచారం.ప్రధానమంత్రి నరేంద్రమోదీ పటాన్‌చెరులోని ఇక్రిశాట్‌ అంతర్జాతీయ పరిశోధన సంస్థ స్వర్ణోత్సవాలు, ముచ్చింతల్‌లో రామానుజాచార్య విరాట్‌ విగ్రహావిష్కరణలో పాల్గొంటారు.
